Ambasada gjermane në Tiranë ka bërë një njoftim të rëndësishëm lidhur me situatën e Covid.
Të gjithë personat që në 10-ditëshin e fundit kanë qëndruar në Shqipëri, kanë detyrimin e njoftimit kur hyjnë në Gjermani. Njoftimi zakonisht kryhet në rrugë digjitale dhe ky rregull vlen duke nisur prej ditës së diel datë 8 nëntor
“Njoftim digjital në rast të hyrjes në Gjermani. Të gjithë personat, që në 10-ditëshin e fundit kanë qëndruar në një zonë risku – sipas kategorizimit të bërë ngë Instituti Robert Koch (ndër të tjerë: Shqipëria) – kanë detyrimin e njoftimit. Kjo do të thotë që në momentin e hyrjes në vend duhet të përcillen të dhënat personale, vendet e qëndrimeve deri në dhjetë ditë përpara dhe pas hyrjes në vend, si dhe mjeti i udhëtimit i përdorur për hyrjen në vend. Njoftimi zakonisht kryhet në rrugë digjitale.
Ky rregull vlen duke nisur prej ditës së diel datë 8 nëntor. Një kopje e njoftimit në rrugë digjitale apo në ndonjë mënyrë tjetër e hyrjes në vend duhet të mbahet me vete. Informacione të mëtejshme të rëndësishme si dhe mënyrën për të njoftuar e gjeni këtu: https://www.einreiseanmeldung.de”, thuhet në njoftimin e ambasadës.
