27.5 C
Tirana
Monday, July 22, 2024
spot_img

E quan veten “makinë gafash”, 77 fakte rreth Presidentit Joe Biden

Pas katër ditësh pezullie, Demokrati 77-vjeçar fitoi zgjedhjet presidenciale, duke mundur kundërshtarin e tij Republikan, Donald Trump.
Përpjekja e tretë ishte e suksesshme. Joe Biden mundi kundërshtarin Republikan Donald Trump në garën për Shtëpinë e Bardhë të shtunën, 7 nëntor. Demokrati siguroi 20 votat elektorale të Pennsylvania-s, duke kaluar 270 vota të nevojshme për të fituar presidencën.

Në moshën 77 vjeç, ish-zëvendësi i Barack Obama-s është kandidati më i vjetër që arrin zyrën supreme.

Dy muaj para inaugurimit “france.info” rendit 77 gjëra për të ditur rreth “qiramarrësit të ardhshëm të Shtëpisë së Bardhë”.

1. Emri i tij i plotë është Joseph Robinette Biden Jr. (për Junior).
2. Ai lindi në Scranton të Pennsylvania-s më 20 nëntor 1942.
3. Eshtë më i madhi nga katër fëmijët: ka një motër, Valerie dhe dy vëllezër, Francis dhe James.
4. Pasi babai i tij humbi punën, Joe Biden dhe familja e tij u detyruan të shpërnguleshin me gjyshërit nga nëna*.
5. Kur ishte 10 vjeç, klani Biden u zhvendos në Wilmington* (Delaware). Joe Biden jeton edhe sot atje.
6. Kur ishte fëmijë tallej për belbëzimin e tij*, të cilin e kapërceu vetë duke memorizuar poezi nga irlandezi William Butler Yeats dhe amerikani Ralph Waldo Emerson.
7. Në moshën 19 vjeçare, ai vendosi të bëhej roje shpëtimi* në një zonë të klasës punëtore të Wilmington.
8. Pishina ku ai ishte një roje shpëtimi mban emrin e tij, ashtu si stacioni Wilmington.
9. Ai luajti futboll amerikan në shkollën e mesme dhe kolegj.
10. Babai i tij i dha një moto*: “Ne nuk e vlerësojmë vlerën e një njeriu nga numri i herëve që është përtokë, por nga shpejtësia me të cilën ngrihet”.
11. Joe Biden u takua me gruan e tij të parë, Neilia, në një plazh në Bahamas. Ai i tha asaj se kishte në plan të zgjidhej senator nga të 30-tat dhe një ditë të bëhej president i Shteteve të Bashkuara.
12. Pas martesës së tyre, Joe dhe Neilia adoptuan një qenush që e quajtën Senator*, në shenjë nderimi për ambiciet e tij politike.
13. Ata kishin tre fëmijë, Joseph (me nofkën “Beau”), Robert (me nofkën “Hunter”) dhe Naomi.
14. Ai u diplomua nga Universiteti i Delaware dhe Shkolla Juridike e Universitetit të Sirakuzës (Shteti i Nju Jorkut), ku përfundoi i 76-ti nga një klasë prej 85 studentësh *.
15. Pas studimeve, ai u thirr për t’u bashkuar me ushtrinë gjatë Luftës së Vietnamit* por përfundimisht u la i lirë sepse kishte astmë.
16. Ai fitoi zgjedhjet e para në 1970 dhe shërbeu për dy vjet në Këshillin e Qarkut të New Castle, Delaware.
17. Ai nuk pi duhan dhe as alkool* sepse “ka vuajtur nga alkoolistët në familjen [e tij]”.
18. Kur kandidoi për herë të parë për Senat në 1972, ekipi i tij përbëhej kryesisht nga miq dhe familjarë. Motra e tij, Valerie, ishte menaxherja e fushatës*.
19. Duke mos pasur mjete për të paguar spotet televizive, ai ushtroi teknikën e shitjeve derë më derë për t’u bërë të njohur për votuesit.
20. U zgjodh në Senat disa javë para 30-vjetorit, duke u bërë një nga senatorët më të rinj në histori*.
21. Gjashtë javë më vonë, ndërsa vizitonte zyrën e ardhshme në Uashington, makina e gruas së tij u godit nga një kamion. Neilia Biden dhe vajza e tyre 13 muajshe u vranë në aksident.
22. Ai tregoi* se kishte menduar për vetëvrasje pas vdekjes së gruas dhe vajzës së tij të parë.
“Ajo që më shpëtoi ishin djemtë e mi,” thotë ai.
23. Beau dhe Hunter Biden, gjithashtu në makinë në kohën e aksidentit, u shtruan në spital për disa muaj.
24. Joe Biden u betua si Senator në dhomën e spitalit të djalit të tij të madh në janar 1973.
25. Ai përfaqësoi Delaware në Senat për 36 vjet, midis 1973 dhe 2009.
26. Kur Joe Biden u zgjodh për herë të parë në Kongres, babai i tij u largua nga puna për t’u bërë një agjent i pasurive të patundshme. Sipas Valerie Biden, ai nuk donte që “një senator të kishte si baba një shitës të makinave të përdorura”.
27. Ai nuk dëshironte të vendosej në Uashington pas zgjedhjes në Senat.
Për më shumë se 30 vjet, ai merrte trenin çdo ditë* (1:15 një drejtim, 1:15 kthim) për të udhëtuar nga Delaware në Kongres.
28. Kjo i ka dhënë atij nofkën “Amtrak Joe”, duke iu referuar emrit të ndërmarrjes publike hekurudhore amerikane.
29. Në 1975, ai votoi kundër “autobusit”, një politikë për të luftuar ndarjen duke regjistruar autobusë për të marrë fëmijët e zinj në shkolla në lagjet e bardha.
30. Ai ka pretenduar në mënyrë të përsëritur se ishte “arrestuar” në Afrikën e Jugut ndërsa ishte në rrugën e tij për të vizituar Nelson Mandela-n në 1977.
Zyrtarë të tjerë të SHBA të pranishëm në udhëtim e vunë në dyshim këtë pretendim.
31. Pesë vjet pas vdekjes së gruas së tij të parë, ai u martua përsëri me Jill Jacobs, një mësuese anglishteje.
32. Ishin djemtë e tij që e shtynë t’i kërkonte dorën Jill-it.
Ai duhej ta bënte këtë pesë herë që ajo të pranonte.
“Unë i doja djemtë aq shumë sa doja të isha i sigurt se martesa do të zgjaste përgjithmonë,” tha ajo në një intervistë të transmetuar gjatë Konventës Demokrate 2020”.
33. Joe dhe Jill Biden kanë një vajzë, Ashley, e lindur në 1981.
34. Ai gjithnjë ka një varëse me kryq me vete.
35. Me origjinë irlandeze, ai është i besimit katolik. Por ai gjithashtu ka paraardhës protestantë francezë, siç sugjeron një pjesë e emrit të tij, Joseph Robinette Biden. Në janar, ai do të bëhet presidenti i dytë katolik në historinë e SHBA, pas John Fitzgerald Kennedy.
36. Në fillim të viteve 1980, ai votoi në favor të një rezolute që lejonte shtetet të ndryshonin Roe vs Wade, ligjin për abortin. Që atëherë ai ka deklaruar se eshte penduar për vendimin.
37. Sipas mediave të ndryshme, në disa raste në vitet 1980 ai mori pjesë në marshime dhe demonstrata për të drejtat civile.
38. Ai ka qenë kandidat për zgjedhjet paraprake Demokrate për zgjedhjet presidenciale dy herë, në 1987 dhe 2007.
39. Filmi i tij i preferuar* është Chariots of Fire, për dy atletë britanikë që triumfojnë në Lojërat Olimpike 1924.
40. Në 1987, ai mundësoi emërimin e Gjyqtarit Konservator Robert Bork, të zgjedhur nga Presidenti Republikan Ronald Reagan në Gjykatën e Lartë.
41. Gjatë fushatës së tij të parë presidenciale, u akuzua për plagjiaturë të fjalimit të një politikani britanik.
42. Ai kishte dy gjendra të këputura në 1988.
43. Në Senat, ai kryesoi Komisionin e ligjeve, e më pas komisionin prestigjioz të punëve të jashtme.
44. Joe Biden e përshkruan veten* si një “makinë gafash”?
45. U kritikua për faktin se nuk kishte kërkuar të konfirmonte akuzat e ngacmimit seksual kundër gjyqtarit Clarence Thomas gjatë seancave të konfirmimit të magjistratit të Gjykatës së Lartë në 1991. Ai që atëherë ka shprehur keqardhjen.
46. Gruaja që akuzoi Clarence Thomas për ngacmim seksual, Anita Hill, bëri thirrje për mbështetje për Joe Biden në zgjedhjet presidenciale të vitit 2020.
47. Në vitin 1993 u takua me diktatorin serb Sllobodan Millosheviç ndërsa ishte në një udhëtim në Ballkan. Joe Biden pretendon që e akuzoi atë për “krime lufte”, por dëshmitarët raportojnë se senatori në vend të kësaj nënkuptonte se ai mund të ishte fajtor.
48. Si senator, ai mori pjesë në shkrimin e një projektligji që ashpërson dënimet federale në 1994. Për disa progresistë, ky tekst ka çuar në mbi-burgosjen e njerëzve me ngjyrë.
49. Makaronat me salcë domatesh dhe sanduiçe me gjalpë kikiriku janë disa nga pjatat e tij të preferuara.
50. I ha shumë akulloret (dhe e ka një akullore me emrin e tij).
51. Ai ishte bashkëraportues për një ligj federal për dhunën ndaj grave, të cilin e konsideron si “arritjen e tij më të madhe legjislative”.
52. Djali i tij Hunter, biznesmen, luftoi për vite me alkoolizmin dhe varësinë nga droga.
53. Në 2002, ai votoi në favor të luftës në Irak të kërkuar nga George W. Bush. Që atëherë ai e ka quajtur votën e tij “një gabim”.
54. Gjatë zgjedhjeve Demokrate të vitit 2007, ai u akuzua për racizëm, pasi tha për Barack Obama-n: “Ai është i pari afrikano-amerikan [kandidat] që flet mirë, është i ndritshëm, i pastër dhe i bukur”.
55. Ai ishte nënkryetar i Barack Obama-s gjatë dy mandateve të tij në Shtëpinë e Bardhë, midis 2009 dhe 2017.
56. Në vitin 2015, ai tha se ishte në favor të legalizimit të martesës për të gjithë, edhe para se Presidenti Barack Obama ta bënte atë.
57. Djali i Tij, Beau Biden vdiq nga kanceri i trurit në 2015.
58. Në javët pas vdekjes së tij, familja Biden mori 72,000 letra ngushëllimi përmes një faqeje në internet të Shtëpisë së Bardhë.
59. Para vdekjes së tij, Beau Biden i bëri babait të tij premtimin se ai do të ishte kandidat për president.
60. Joe Biden ka menduar të kandidojë për zgjedhjet presidenciale 2016, por vdekja e Beau, dhe fakti që Barack Obama “nuk ishte inkurajues”, e shtyu atë të hiqte dorë.
61. Në janar 2017, pak para mbarimit të mandatit të tyre, Barack Obama e befasoi duke i dhënë Medaljen Presidenciale të Lirisë, nderin më të lartë civil të vendit.
62. Joe Biden ka shtatë nipër e mbesa.
63. Ai është një entuziast i automobilave dhe ende zotëron një Chevy Corvette të vitit 1967, i ati ja bëri si dhuratë martese. Ai gjithashtu merr lajmet e fundit nga një revistë e specializuar makinash në celular.
64. Ai pretendon se “e dinte që duhej të kandidonte” për zgjedhjet presidenciale të vitit 2020, kur Donald Trump tha se; “kishte njerëz të mirë nga të dy palët”, pas sulmit nga një supremacist i bardhë kundër demonstruesve të zinj në Charlottesville (Virginia).
65. Ai ishte mik i vjetër i Senatorit Republikan John McCain. Me kërkesë të këtij të fundit, ai mbajti fjalën e lamtumirës gjatë funeralit të tij në 2018.
66. Donald Trump i vuri atij të paktën dhjetë nofka të ndryshme (jo shumë miqësore).
67. Shtabi elektoral i Trumpit, e ka akuzuar djalin e tij Hunter Biden për korrupsion, por nuk ka prova të forta për të mbështetur këto akuza.
68. Nënkryetare e tij do të jetë Kamala Harris, gruaja e parë dhe personi i parë me ngjyrë që merr këtë post.
69. Zyrtarja e zgjedhur në Kaliforni ishte kundërshtare e tij gjatë zgjedhjeve në partinë Demokrate. Ajo e sulmoi në faqen zyrtare te senatorit.
70. Beau Biden punoi për një kohë të gjatë me Kamala Harris (dhe miqësia e tyre ishte pjesë e vendimit të Joe Biden* për ta bërë atë pjesën e stafit personal).
71. Tara Reade, një ish ndihmëse parlamentare, akuzoi Joe Biden për sulm seksual ndaj saj në 1993, ndërsa ishte senator. Demokrati thotë se “kjo nuk ka ndodhur kurrë”.
72. Shtatë gra të tjera e akuzuan Joe Biden për gjeste të papërshtatshme, të tilla si “përqafime pak shumë të gjata” ose puthje në kokë?!
73. Gjatë fushatës së primareve Demokrate 2019, ai dy herë pretendoi që kishte takuar të mbijetuarit e të shtënave në shkollën e mesme Parkland, Florida ndërsa ishte zv/President. Por sulmi ndodhi më shumë se një vit pas përfundimit të mandatit të tij.
74. Në vitin 2019, Forbes vlerësoi pasurinë e Joe dhe Jill Biden në 9 milion dollarë.
76. Ai pati mbështetjen e aktorëve Tom Hanks, Alyssa Milano, Alec Baldwin dhe këngëtares Cher.
77. Kur të instalohet në Washington më 20 janar 2021, Joe Biden do të jetë presidenti më i vjetër i Shteteve të Bashkuara . /Politiko/

Related Articles

- Advertisement -spot_img

Më të fundit