33.5 C
Tirana
Wednesday, June 19, 2024
spot_img

“Jemi afër vijës së kuqe”, Rakacolli paralajmëron masat e reja kufizuese

Zv.ministrja e Shëndetësisë, njëherësh drejtuesja e komitetit të ekspertëve, Mira Rakacolli foli sot për mundësinë e rikthimit të masave shtrënguese në vend.

E ftuar në News24, Rakacolli tha se nuk duhet t’i referohemi shembujve të vendeve të tjera, ndërkohë që vë theksin tek monitorimi i situatës në vend.

Sipas saj Shqipëria është shumë pranë vijës së kuqe dhe se ekspertët do të detyrohen të propozojnë masa shtrënguese.

“Dje shënuam një numër rekord të të infektuarve ashtu si edhe numri i të shtruarve në spitale. Kjo është një situatë e parashikuar. Kjo po ndodh në mbarë globin. Është një ecuri normale e epidemisë. Numrat janë në rritje, fatmirësisht jo me atë shpejtësi si në Itali, Francë e Spanjë, por kjo tendenca e rritjes vazhdon të na bëjë të jemi të kujdesshëm për marrjen e masave.

Mbyllja varet nga vetë ne. Ne duhet të jemi të gjithë bashkë, vetëm ashtu mund ta mundim këtë virus.

E vetmja mënyrë për ta frenuar Covid është parandalimi. Ashtu siç u propozua që universitetet të funksionojnë on line, ashtu po vlerësojmë në dinamikë edhe masa të tjera. Masat s’kanë lidhje me çfarë kanë bërë vendet e tjera, duhet mendouar globalisht dhe vepruar lokalisht. Duke parë situatën tonë, propozojmë edhe masa të tjera që mund të jenë kufizuese. Jemi shumë pranë vijës së kuqe! Nuk ka gjë të prerë. Askush nuk e thotë tani se çfarë veprimi do ndërmerret, do analizohen të gjitha faktorët”,- tha Rakacolli.

E pyetur lidhur me situatën në spitale Rakacolli u shpreh se nuk janë ezauruar komplet dhe se vetëm në Tiranë janë 550 shtretër për Covid.

“Ne duam të bëjmë një menaxhim sa më të mirë të kapaciteve ndaj edhe e bëjmë hapjen e spitaleve me plan. Kur të mbushet i treti, shpresojmë që jo, hapet 4”, shton zv. Ministrja.

Related Articles

- Advertisement -spot_img

Më të fundit