33.5 C
Tirana
Friday, June 21, 2024
spot_img

Rama: Luli duhet shpëtuar nga treshja Berisha-Meta-Kryemadhi ose do ta hanë

Kryeministri Edi Rama në konferencë për mediat u shpreh se për personat që nuk respektojnë mbajtjen e maskave institucionet duhet të marrin masa.

Gjatë fjalës së tij në konferencën për procesin e rindërtimit, Rama komentoi edhe deklaratat e Presidentit Meta, liderit të opozitës Lulzim Basha si edhe të kryetares së LSI-së, Monika Kryemadhi.

Rama i quajti deklarata të një niveli të ulët që sipas tij përdorin situatën e pandemisë për të “sulmuar” qeverinë.

“Lali Eri e ka rregulluar gabimin. Duke qenë se kaloi Covid-in, Veliaj harroi se maska duhet mbajtur. Ndërkohë për dy të tjerët duhet të merren masa. Janë institucionet që duhet të marrin masa. Nuk jap unë masa. Një president Republike që predikon katastrofën, një kryetar opozite që i ka varur shpresat tek përhapja e sa më shumë të infeksionit dhe pret që Covid-i të bëjë atë që nuk bënë dot, të shkatërrojë qeverinë. Një tjetër që është në mes tyre si aleate, thotë shkoni në kisha e xhamia, apo se LSI-së nuk i afrohet virusi se e ka frikë.

Gjëra të një niveli të ulët. Këto lloj qasjesh, ti vësh në një estradë, do duken ekzagjerim për vetë estradën. Dhe të pretendosh që këta të marrin në dorë fatet e vendit, Bashën- kryeministër, Monikën -Ministre e Financave, Metën- Ministër i Brendshëm… Dihet që Luli është thjesht dhëndër që e marrin përpara. O duhet shpëtuar nga ata të tre, ose do ta hanë. Qameti i madh është që të marrësh pyetje të tilla, apo të japësh pyetje të tilla, por as ju nuk keni faj. Taksirati juaj, taksirati im”, tha Rama.

Related Articles

- Advertisement -spot_img

Më të fundit