Maska e maskës është kthyer në një domosdoshmëri gjatë kësaj periudhe dhe për pasojë përdorimi për një kohë të gjatë i saj mund të shkaktojë probleme të ndryshme në fytyrë. E ftuar mëngjesin e sotëm në “Abc-ja e mëngjesit” ishte dermatologia Elna Çano, e cila ndau disa këshilla për të shamngur irritimin e lëkurës, si dhe parandalimin e shfaqjes së akneve në lëkurë.
“Përdorimi i zgjatur e dëmton lëkurën dhe përveç kësaj e dëmton kur përdoren pa kushtet e përshtatshme higjienike. Së pari duhet thënë që larja e duarve dhe fytyrës para se të vendosim maskën për të hequr papastëritë që kemi dhe vendosja e saj në kushte higjienike. Kur të hiqet të pastrohen duart dhe fytyra gjithashtu.
Dëmtimet në lëkurë ndodhin nga përdorimi i shtuar i maskës. Një maskë e papastër mund të çojë në infeksione në zona të dëmtuara të lëkurës. Një problem tjetër janë dhe aknet që shfaqet qoftë për herë të parë ose acarimi i një akni ekzistent. Kjo ndodh sepse mosajrosja e kësaj zone rrit yndyrën në këtë pjesë të fytyrës dhe bllokon poret”, tha ajo.
Gjithashtu, dermatologia u ndal dhe tek përdorimi i make up-it, nëse duhet përdorur kur vendosim një maskë apo jo. “Normalisht përdorimi i make up-it nuk është i përshtatshëm si nga ana higjienike, por dhe vetë vënia e një maske mbi një make up do të bëjë që të bëhet pis. Së dyti nga përdorimi i maskës dhe mbajtja e saj për shumë kohë, mos ajrosja dhe bllokimi që iu bën maska poreve do të favorizojë problemet që thamë më sipër duke zhvilluar më shumë aknet.
Kremi hidratues nuk duhet të mungojë. Së pari duhet të jetë larësi i fytyrës, më pas kremi hidratues i përshtatshëm për çdo lloj lëkure. Duhet të jetë një krem me konsistencë sa më të trashë, për lëkura normale dhe të kombinuara zakonisht përdoren locione dhe për të yndyrshme përdoren format e xhelit.
Gjëja më e shpejtë dhe më e thjeshtë është që të mos përdorim një tip maske. Gjithashtu hidratuesit na ndihmojnë sepse dëmtimet e lëkurës mund të korgjohen apo qoftë me vazelinën e thjeshtë. Mund të vendoset një copë pambuk që të mos dëmtohet pjesa mrbrapa veshit dhe kontakti të mos jetë aq i fortë”, tha dermatologia.
