Numri i njerëzve që humbën jetën në tërmetin që goditi Izmirin më 30 tetor ka arritur në 83 ndërsa 962 persona të tjerë janë plagosur.
Sipas ANFNews, pas 58 orësh nga tërmeti, 14-vjeçari Idil Şirin u shpëtua nga rrënojat e Emrah Apartment.
Aktivitetet e kërkimit dhe shpëtimit thuhet se po vazhdojnë të kërkojnë në 6 ndërtesa, por disa familje thonë se puna e shtetit po vazhdon ngadalë. Një nga njerëzit që ka një të afërm ende nën rrënoja tha:
“Shteti tha që këtë mëngjes do të fillonte të punonte në rrënojat ku është nipi im, por asgjë nuk ka ndodhur ende.”
Ministri i Mjedisit dhe Urbanizimit, Murat Kurum deklaroi para pak orësh se ka nisur procesi i krijimit të një qyteti kontejner në Izmir dhe se ky qytetet me 1000 njerëz do të ndërtohet në një sipërfaqe prej 46 mijë e 300 metra katrorë në Bayraklı.
