Kryetari i PD, Lulzim Basha thotë se në 25 prill Partia Demokratike dhe opozita do të fitojnë. Gjatë një bashkëbisedimi me studentët, kryedemokrati tha se deri sa të vijë ajo ditë parësore duhet të jetë jeta e shqiptarëve.
“Këto 8 vjet kanë qenë me dështime me arrogancë. Kjo do të marrë fund në 25 prill. Në do të fitojmë zgjedhjet dhe do ta ndryshojmë Shqipërinë. Por deri në më 25 prill parësore për ne duhet të jetë jeta e çdo shqiptari”, tha Basha.
Në lidhje me pandeminë, Basha paralajmëroi se ditë më të vështira do të vijnë.
“Atë që kemi në dorë distancimin dhe ruajtjen e të moshuarve ua kërkoj edhe njëherë, sepse jemi vetëm në fillimin e një përkeqësimi më të thellë që do të vazhdoje në javët që vjen, përkeqësim i dyfishtë sepse kemi një kryeministër të papërgjegjshëm”, u shpreh kryedemokrati Basha.
