Një 52-vjeçar i prekur me COVID-19 është hedhur nga kati i katërt i spitalit ‘Shefqet Ndroqi”, duke shënuar viktimën e 3-të që humb jetën në këto rrethana.
Ngjarja ka ndodhur rreth orës 03:10 të mëngjesit të sotëm, teksa burime zyrtare nga policia bëjnë me dije se bëhet fjalë për shtetasin me inicialet P.Gj., i cili kishte një javë i shtruar në spital.
Kujtojmë se pak kohë më parë dy pacientë me koronavirus i dhanë fund jetës në këtë spital, duke u hedhur nga lartësia.
Rasti i parë është regjistruar më 13 gusht, ku 29-vjeçari Xhino Koça nga Durrësi u hodh nga kati i tretë i këtij spitali, në gjendje të rënduar psikologjike, ku për pasojë ndërroi jetë. Ndërkohë, në 2 shtator Hasan Mira, 65 vjeç, i dha fund jetës duke u hedhur nga kati i katërt i këtij spitali, vetëm dy ditë pasi ishte shtruar aty.
Njoftimi i policisë:
Më datë 01.11.2020, rreth orës 03 :10, dyshohet se është vetëhedhur nga lartësia e një spitali shtetasi P.Gj., 52 vjeç dhe për pasojë ka humbur jetën.
Grupi hetimor dhe sherbimet e Policisë vijojnë punën për zbardhjen e rrethanave të ngjarjes.
