Mijëra litra verë kanë vërshuar në rrugë pranë një punishteje vere në Villamalea, zonë që ndodhet në provincën juglindore spanjolle të Albacete. Gjithçka ka ndodhur në pak sekonda, si pasojë e një difekti në rezervuarin e magazimit.
Rreth 50,000 litra u derdhën, sipas mediave lokale. Të pranishmit në vendin e ngjarjes filmuan vreshtin dhe rrethinat e mbushura plot me verë të kuqe.
Kantinat e verës në Villamalea janë në mes të sezonit të korrjes, që do të thotë që punëtorët janë të zënë duke mbledhur rrush të freskët dhe duke i përgatitur për fermentimin primar. Vera e kuqe normalisht bëhet nga tuli i rrushit të kuq ose të zi, i cili i jep ngjyrën verës.
