Ditë zie në shtëpinë e Francesco Totti. Babai i tij, Enzo, ka humbur jetën në moshën 76-vjeçare. Ai ishte infektuar me COVID-19 dhe nuk e ka fituar dot betejën, pavarësisht përpjekjeve të mjekëve në spitalin “Lazzaro Spallanzani”.
Babai i legjendës së Romës kishte pasur edhe probleme të tjera shëndetësore. Disa vite më parë ai ishte goditur nga një atak kardiak dhe nuk kishte mundur të ndiqte më pas ndeshjet e të birit të tij në stadium.
