11.5 C
Tirana
Saturday, March 2, 2024
spot_img

Tregoni kujdes! Në këto sipërfaqe Covid-19 mund të mbijetojë deri në 28 ditë

Një studim i realizuar së fundmi ka arritur në përfundimin se koronavirusi mund të mbijetojë deri në 28 ditë në gotë, kartëmonedha, qelq dhe në materiale që janë çelik inox.

Agjencia australiane përgjegjëse për kërkimin shkencor ka zbuluar se Sars-Cov-2 mund të mbijetojë 28 ditë në sipërfaqe të zakonshme.

Gjithashtu sipas studimit të publikuar së fundmi bëhet me dije se virusi mbijeton më gjatë në temperatura të ulëta.

Studiuesit australianë kanë bërë thirrje për kujdes të vazhdueshëm pasi koronavirusi është ende rrezik për qytetarët.

Në temperaturë 20 gradë celsius, COVID-19 shfaqet më i “ashpër” në sipërfaqe të lëmuara, siç janë ekranet e celularëve, kartëmonedha, qelq, plastike dhe çelik.

Drejtori i Qendrës Australiane për Gatishmërinë e Sëmundjeve, Trevor Drew specifikoi se studimi u krye me mostra të virusit të zbutur, të vendosura në materiale të ndryshme dhe me një metodë “të ndjeshme”, e cila zbuloi gjurmë të virusit pas një kohe të gjatë.

“Nëse një person prek këto materiale pa masa paraprake dhe më pas prek fytyrën, pra gojën, sytë apo hundën, ai mund të kontraktojë sëmundjen edhe më shumë se dy javë pas ndotjes së objekteve”, tha ai shkruajnë mediat e huaja.

Sakaq eksperimentet e bëra në temperatura 20, 30 dhe 40 gradë celsius treguan se virusi mbijetoi më gjatë në temperatura të ftohta, më gjatë në sipërfaqe të lëmuara dhe po ashtu më gjatë bë kartëmonedhat e letrës.

Të gjitha eksperimentet janë realizuar në errësirë për të hequr ndikim e ditës ultraviolet, pasi hulumtimet kanë treguar se rrezet e diellit dobësojnë virusin.

Related Articles

Na ndiqni

4,806FansLike
3,912FollowersFollow
0SubscribersSubscribe
- Advertisement -spot_img

Më të fundit