8.5 C
Tirana
Monday, November 29, 2021
spot_img

Jonida Vokshi tregon emocionet e mëmësisë: Kur pashë Emin për herë të parë…

Aktorja e njohur Jonida Vokshi po e ndan jetën e saj mes Tiranës dhe Prishtinës. Ajo ka dalë për herë të parë në ekran pasi është bërë nënë e një vajzë tre muaj më parë.

Në emisionin “Rudina”, Jonida ka treguar se karantinën dhe muajt e fundit të shtatzënisë i ka kaluar në Prishtinë, pranë bashkëshortit të saj Besnikut, por mendjen e kishte tek prindërit që ndodheshin në Tiranë.

Në emisionin “Rudina” pasditen e sotme ishte e ftuar aktorja dhe moderatorja Jonida Vokshi, e cila po ndan jetën e saj mes Tiranës dhe Prishtinës.

Për herë të parë në ekran, pas lindjes së vajzës, Jonida ka rrëfyer edhe ndjesitë gjatë këtyre muajve të parë të mëmësisë. Pas karantinës, kohë që përkoi edhe me shtatzëninë e saj, Jonida u zhvendos në Prishtinë, pranë bashkëshortit të saj Besnikut, edhe pse mendjen e kishte tek prindërit që ndodheshin në Tiranë.

Jonida rrëfeu edhe për çastin e parë kur lindi dhe ndjesitë e para që ka përjetuar.
“Unë jam kthyer nga Prishtina në muajin e 9-të. Kam mbajtur kontakte me doktoreshën time, e cila më tha që të isha në Tiranë gjatë muajit të 9-të. Dukej sikur Emi nuk dëshironte të lindte. Kam qenë me Besnikun duke shijuar një gotë verë. Ishte ora 12 e natës kur më filluan shqetësimet e vogla. Kaloi ora 1:00, kontraksionet po shtoheshin dhe fola me doktoreshën e shkova në spital për t’u përgatitur.

Në orën 12 e 30 paradite erdhi në jetë Emi. Është kontakti i parë që ta japin në trup dhe ti qan që e solle shëndoshë e mirë. Unë kisha frikë sepse dëshiroja që e vogla të vinte e shëndetshme në jetë”, ka thënë Jonida.

“Nuk e shpjegoj dot njësoj, është shumë e çuditshme se si ti mendon 1001 gjëra në moment. Kur e pashë Emin, m’u duk gjëja më e bukur në jetë. Është edhe frika, është e pabesueshme që ti sa je bërë mami, të shoqëron ndjesia si do e ketë jetën, çfarë do ndodhë me të”, ka treguar aktorja.

Related Articles

Na ndiqni

4,806FansLike
3,034FollowersFollow
0SubscribersSubscribe
- Advertisement -spot_img

Më të fundit