Klement Balili shtrohet në spital pas rëndimit të gjendjes shëndetësore për shkak të grevës së urisë. Balili i njohur ndryshe dhe si “Eskobari i Ballkanit” ka shfaqur disa probleme shëndetësore dhe fillimisht është dërguar në spitalin e Elbasanit, më pas është transferuar në spitalin e burgut në Tiranë.
Balili ishte pjesë e grupit të të burgosurve që kanë nisur grevë urie në burgun e Peqinit, në regjimin “41Biss” pas letrës së dërguar disa ditë më parë liderëve kryesorë të shtetit ku kërkonin ulje të dënimeve.
Po kështu përveç tij, në spital kanë përfunduar edhe Arbjon Aliko dhe Genc Balla. Aliko është kthyer në burg pas përmirësimit të gjendjes shëndetësore.
