Duke filluar nga sot, 1 tetor, qytetarët do të mund të marrin shërbime në ambientet e brendshme të bareve dhe restoranteve. Deri më tani, këto shërbime janë lejuar vetëm në ambiente të jashmtë për shkak të situatës me Covid-19.
Por me uljen e temperaturave, qëndrimi në ambientet e jashme bëhet thuajse i pamundur, ndaj masat e reja lejojnë që baret dhe restorantet të funksionojnë edhe në ambientet e tyre të brendashme, por sigurisht sipas një protokolli të caktuar.
Qytetarët ndërkaq duhet të mbajnë maskë, dhe të zbatojnë rregullat, për shkeljen e të cilave do të ndëshkohen me gjobe subjektet ku ato nuk respektohen.
