Diamanti që shihni në unazën në foto, ka vendosur një rekord të ri. Është më i madhi deri më tani që u nxorr për shitje në ankand me çmimin 29.3 milionë dollarë në Hong Kong. Diamanti ngjyrë vjollcë dhe rozë njëkohësisht ka marrë emrin Sakura, që lidhet me periudhën e lulëzimit të lules së qershisë në Japoni.
Diamanti është 15.8 karat i vendosur në një unazë prej platini dhe ari, sipas shtëpisë së ankandit Christie’s që organizoi dhe shitjen.
Diamanti ka një klasifikim më të lartin për shkak të thellësisë së ngjyrës dhe përsosmërisë. Kjo do të thotë se çdo njollë e brendshme e diamantit mund të shihet vetëm me një mikroskop të teknologjisë së lartë.
Por kush e bleu Sakura-n?
Emri si zakonisht nuk publikohet, vetëm në rast se dëshiron vetë ai/ajo të mos mbetet anonim. Por mediat shkruajnë se Sakura u ble nga një blerës nga Azia.
Vetëm 1% e diamanteve rozë thuhet të jenë më shumë se 10 karat dhe vetëm 4 % marrin klasifikimin e nivelit më të lartë, të njohur si “Fancy Vivid.”
