Vaksina anti Covid e Moderna-s me bazë në SHBA është e sigurt dhe është efektive edhe tek adoleshentët. Konluzioni vjen nga kompania Moderna ekspertët e së cilës bënë testimin e dytë nga tre në total të 3,732 fëmijëve të moshave 12 deri 17 vjeç në Shtetet e Bashkuara.
Testet e gjakut tek to treguan se vaksina prodhoi një përgjigje imune që ishte ekuivalente me gjetjet e mëparshme tek të rriturit. Kjo është hera e parë që Moderna kryen një test të tillë specifik tek adoleshentët.
Studimet:
Studimet fillestare zbuluan gjithashtu se asnjë nga fëmijët që morën vaksinën nuk u sëmur me Covid-19 duke filluar 14 ditë pas dozës së tyre të dytë. Katër nga fëmijët që morën placebo rezultuan pozitivë, por Moderna thotë se është në përputhje me një efikasitet vaksine prej 100%. Kompania shton se kjo shifër mund të ndryshojë kur të mblidhen më shumë të dhëna.
Vaksina Moderna rezulton me efikasitet të lartë edhe me vetëm një dozë. Rezultatet sugjerojnë se vaksina ishte 93% efektive pas një doze në parandalimin e rasteve të lehta të Covid-19, duke përfshirë vetëm një simptomë të sëmundjes së koronavirusit në vend të dy ose më shumë simptomave.
Efektet anësore
Efektet anësore të zakonshme të sëmundjes përfshijnë dhimbje koke, lodhje, dhimbje muskulore, dhimbje në vendin e injektimit dhe në raste më të rralla të dridhura pas dozës së dytë.
Moderna thotë se planifikon të paraqesë rezultatet në FDA në fillim të Qershorit së bashku me një kërkesë për autorizim për të përdorur vaksinën tek adoleshentët. Vaksina Moderna është tashmë e autorizuar për përdorim tek njerëzit e moshës 18 vjeç e lart.
Si është krijuar Moderna?
E quajtur zyrtarisht mRNA-1273, vaksina Moderna është një vaksinë e tipit mRNA, e krijuar duke përdorur një proces të ngjashëm si Pfizer / BioNTech. Vaksina Moderna fut mRNA, ose material gjenetik në trup.
