Qeveria e re e Mario Draghi ka vendosur që vaksinimi i mjekëve, infermierëve, personelit ndihmës spitalor dhe farmacistëve të bëhet i detyrueshëm. Masa zbatohet për stafin e sistemit shëndetësor kombëtar italian, por edhe për atë të klinikave private.
Mjekë, infermierë ose farmacistë që refuzojnë të vaksinohen ose do të transferohen në zona që nuk sigurojnë kontakte me pacientë dhe kategori që janë më të predispozuar të infektohen me COVID, ose paga e tyre mund të pezullohet, nëse është e nevojshme deri në fund të dhjetorit 2021.
Sot në Itali janë regjistruar 23,904 raste me koronavirus dhe 467 viktima. Në total, u kryen 351,000 teste diagnostikuese, 6.8% e të cilave ishin pozitive. Që nga fillimi i pandemisë, 3,584,899 njerëz janë infektuar dhe 109,346 kanë vdekur.
