Çfarë mund të bëhet dhe çfarë nuk mund të bëhët pas vaksinës kundër Covid? Me nisjen e procesit të vaksinimit lind me të drejtë pyetja. A do t’i kthehemi jetës së para Covid-19? Cili është mendimi i ekspertëvë?
Personat që i janë nënshtruar vaksinës, do të duhet të vazhdojnë të mbajnë maska dhe të ruajnë distancën shoqërore.
Vaksina është thelbësore, por nuk është një “mburojë” absolute kundër përhapjes së virusit, paralajmëron Debra Goff, specialist në Sëmundjet Infektive në Universitetin Shtetëror të Ohajos, Qendrën Mjekësore të Wexner”.
“Perceptimi i zakonshëm është që, sapo të merret vaksina, njerëzit do të ndihen të sigurt dhe nuk do të mbajnë më maska, as distancë, etj. Sidoqoftë, ky nuk do të jetë realiteti – thotë eksperti. Vaksina është hapi i parë për të na ndihmuar të kthehemi në jetën para-Covid, por nuk do të jetë fundi i gjithçkaje”.
“Do të duhet ende kohë për të kuptuar nëse vaksina do të parandalojë transmetimin e virusit”, ka thënë nëpërmjet revistës Business Insider, Debra Goff, duke treguar aktivitetet që mund të kryhen pas vaksinimit.
“Sapo të marrin vaksinën, njerëzit do të kenë më shumë besim”, thotë eksperti. Kjo do të thotë se ata do të jenë në gjendje të planifikojnë ndonjë pushim të shkurtër, etj. dhe shton:
“Por ne nuk e dimë ende nëse vaksina do të mbrojë nga format asimptomatike të sëmundjes dhe përhapjes së heshtur të virusit. Tani për tani, rezultatet e provave klinike kanë treguar në fakt se vaksinat Pfizer dhe Moderna janë efektive në mbrojtjen e njerëzve nga format e rënda të Covid. Prandaj, për të mirën e të gjithëve, do të duhet të vazhdoni mbani maskën dhe të ruani distancën fizike, sepse edhe nëse vaksinoheni, mund të transmetoni pa dijeni virusin tek njerëzit që nuk e kanë. Ne nuk e dimë nëse vaksina mbron nga transmetimi i virusit.
Sapo një pjesë e mirë e popullsisë të marrë dozat e vaksinës ju mund të filloni të relaksoheni, duke shmangur, për shembull, shqetësimin për atë që takoni. Ndoshta, atëherë ne do të ndërpresim mbajtjen e maskave, megjithatë, për mbrojtjet e traktit respirator në të ardhmen,maskat mund të përdoren ende nga njerëz që janë të ndjeshëm ndaj sëmundjeve virale, sepse ato tani janë të pranueshme nga shoqëria dhe kjo është një gjë e mirë,” përfundon eksperti.
