Kryetarja e LSI, Monika Kryemadhi e ka nisur ditën e sotme me një lajm të trishtë dhe mesazh ngushëllues pasi koordinatori i saj për Astirin ka ndërruar jetë nga COVID-19.
Kryemadhi shkruan se Eno, ishte kthyer nga Gjermania dhe do e ndihmonte për fushatën elektorale të LSI.
Ajo ka publikuar edhe mesazhin e tij të fundit 30 ditë më parë ku i shkruante ”Mona si je? Fëmijet si janë? Unë kam ardhur dhe më ke deri në fund të fushatës.”.
Kryemadhi thotë se Eno do i mungojë për shakatë e tij, por i premton se familja e tij nuk do të jetë kurrë vetëm.
STATUSI NGA MONIKA KRYEMADHI
Mona si je? Fëmijët si janë? Unë kam ardhur dhe më ke deri në fund të fushatës.
Ky ishte mesazhi yt para 30 ditësh, kur më the se ishe kthyer nga Gjermania. Por dje, të gjithë u ndalëm, nuk folëm, shtangëm, sepse ti ike dhe na le përgjithmonë. Nuk duam të të përcjellim, të duam për vete, të duam këtu me ne. Por ti zgjodhe të ikësh sepse parajsa është më e mirë sesa kjo botë këtu e padrejtë.
Eno, ti ike dhe le vetëm Mirën me fëmijët, por të premtoj se ata nuk do të jenë kurrë vetëm, ne do jemi aty për ta gjithmonë.
Të duam Eno jonë, do na mungosh me shakatë e tua.
