Komisioni Qendror i Zgjedhjeve ka publikuar draftin e projektit që parashikon se si do të votojnë shqiptarët që jetojnë jashtë vendit.
KQZ do të ngrejë një sistem që do mundësojë regjistrimin e emigrantëve në zgjedhjet e 25 prillit.
Komisioni Qendror i Zgjedhjeve kërkon që shqiptarët e diasporës të regjistrohen por fillimisht të deklarojnë vendbanimin e tyre ashtu si parashikon ligji i vitit 2016.
Shtetasit shqiptarë që do duhet të japin votën për zgjedhjet parlamentare do të plotësojnë të gjitha të dhënat që do të kërkojë sistemi i KQZ. Nëse të dhënat e marra nuk përputhen do të hiqet mundësia e votimit.
KQZ do të bëjë verifikimin e çdo shtetasi nëpërmjet dy mënyrave:
1- Mënyra e parë është të japë të dhënat personale edhe të familjareve
2- Mënyra e dytë nëpërmjet FACE ID.
KQZ nuk e ka një numër të saktë të shtetasve shqiptare që jetojnë jashtë vendit për shkak se nuk është bërë regjistrimi i tyre.
Sigurimi i votës së emigrantëve ka qenë një nga sfidat e KQZ-së, ndërkohë që drafti i publikuar pritet të miratohet së shpejti.
