Modelja shqiptare Kleofina Pnishi dhe futbollisti Benjamin Pavard janë bërë prindër për herë të parë.
Lajmin e ka njoftuar lojtari i Interit përmes një postimi në rrjetet sociale. Ai ka ndarë foto duke mbajtur vogëlushen në krahë, shoqëruar nga disa momente të tjera krah saj dhe Kleofinës.
Krah postimit, Pavard ka zbuluar edhe emrin e veçantë të vajzës.
“Gjithë bota ime. Bekimi ynë më i madh, Lena Rose Pavard.”
Në qershor, Kleofina postoi një video në Instagram duke lajmëruar shtatzëninë. “9 muajt e fundit”, shprehej ajo teksa videoja është një përmbledhje e momenteve mes çiftit gjatë kësaj periudhe.
Ata e kurorëzuan dashurinë në martesë një vit më parë, në një dasmë në Amalfi që zgjati tri ditë.
