Cigaret elektronike do të ndalohen në Britaninë, ka njoftuar qeveria, pasi numri i të rinjve që e konsumojnë është rritur.
Gjithashtu do të merren masa për të parandaluar shitjen e Vape, për të shmangur blerjen e këtyre cigareve elektronike nga të miturit. Ndalimi pritet të merret në të gjithë Mbretërinë e Bashkuar, citon BBC. Ndërkohë detajet e këtij vendimit, do të jepen më vonë nga kryeministri Rishi Sunak.
“Siç e di çdo prind apo mësues, një nga tendencat më shqetësuese për momentin është rritja e konsumit të cigareve elektronike tek fëmijët, dhe kështu ne duhet të veprojmë përpara se të bëhet endemike”, deklaroi Sunak.
Kjo nisëm vjen pas vendimit të vitit të kaluar, ku u vendos ndalimi i shitjes së cigareve, për të rinjtë që kanë lindur nga 1 janari 2009, si pjesë e një përpjekjeje për të krijuar një brez pa duhan.
