Ilir Mëngra, ish-kreu i drejtorisë rajonale të Transportit Rrugor në Tiranë është emëruar në krye të Drejtorisë së Përgjithshme të Shërbimeve të Transportit Rrugor (DPSHTRR) duke zëvendësuar Blendi Gonxhen i cili tashmë mban postin e ministrit të Ekonomisë, Kulturës dhe Inovacionit. Ndërsa Afrim Tole emërohet në krye të drejtorisë rajonale të DPSHTRR në Tiranë duke zëvendësuar Ilir Mëngrën.
Jetëshkimi i Ilir Mëngra
Ilir Mëngra ka lindur në Fier, më 25.10.1971. Gjatë viteve ka kryer studimet në Degën Inxhinieri e Vendburimeve të Naftës. Gjatë viteve 2009 – 2010 ka marrë titullin “Master në Shkencë” në degën “E Drejta Administrative”. Mëngra ka punuar si Drejtues Teknik pranë Gjeodrill sh.p.k në vitet 1996 – 1997. Në vitet 2001 – 2008 ka mbajtur pozicionin e Drejtorit të Përgjithshëm të Ndërmarrjes Nr.2 të Punëtorëve të Qytetit, Bashkia Tiranë.
Në vitet 2013 – 2015 ka punuar si shef i departamentit teknik pranë “Albminiera”. Në vitet 2015 – 2019 ka mbajtur pozicionin e Zëvendës Drejtorit të Përgjithshëm të Agjencisë së Parqeve dhe Rekreacionit. Nga viti 2019, Ilir Mëngra ju bashkua stafit të Drejtorisë Rajonale të Shërbimeve të Transportit Rrugor Tiranë, me detyrë “Drejtor Rajonal”.
