Autostrada Tiranë-Durrës është segmenti më i ngarkuar në vend dhe për këtë arsye brenda këtij viti pritet që të nisë faza e parë e zgjerimit të saj. Puna fillimisht pritet të nisë për pjesën Tiranë-Kthesa e Rinasit dhe më pas Kthesa e Rinasit-Durrës.
Fluksi i automjeteve që po kalojnë në autostradën Tiranë-Durrës është 3-fish më i lartë sesa është kapaciteti i saj. Plani i qeverisë për zgjerimin e segmentit është që të bëhet me nga 3 korsi në secilin sens të lëvizjes plus edhe korsinë e emergjencës. Në njoftim gjithashtu thuhet se nuk do të preket rruga dytësore dhe nuk do të ketë shpronësime masive të bizneseve.
