Shqiptarët që shkojnë për të punuar në Gjermani janë vit pas viti më të shumtë në numër. Shifrat tregojnë numri i atyre që marrin viza për punësin në Gjermani është i lartë edhe në vendet e Ballkanit Perëndimor.
Për shkak të nevojave thuajse në çdo fushë, Gjermania po parashikon të pranojë dyfish më shumë punëtorë të pakualifikuar nga Ballkani Perëndimor. Konsulentët për punësimin në Gjermani tregojnë se kërkesat për punëtorë të pakualifikuar vijnë nga sektorë të ndryshëm.
“Që tek punëtori i thjeshtë i ndërtimit, restorantet ose babysitter”-u shpreh Diana Kapaj, konsulente për punësim në Gjermani.
Edhe punëtorët e kualifikuar po shtojnë interesin për t’u bërë pjesë e forcës së punës Gjermane.
“Kërkesat janë çdo ditë dhe në rritje. Tek pjesa e mjekëve, inxhinierëve elektronikë”.
Gjermania aktualisht lejon të marrë nga Ballkani perëndimor 20 mijë punëtorë, me ndryshimet që parashikohen pritët të pranojë 50 mijë punëtorë të pakualifikuar.
Kjo duket se do i hapë më shumë rrugë largimit të fuqisë punëtore nga Shqipëria, Kosova, Maqedonia e Veriut, Serbia, Mali i Zi dhe Bosnjë-Hercegovina.
