Ka përfunduar raundi i dytë për regjistrimin në universitete. Sipas raportimeve nga mediat, në këtë vit akademik do të ketë rreth 1 mijë studentë më pak se vitin e kaluar. Gjatë dy raundeve janë regjistruar rreth 19 mijë maturantë.
Degët më të preferuara nga studentët janë Mjekësia dhe Inxhinieria qëndrojnë në krye të listës, të pasuara nga Ekonomiku dhe Juridiku.
Ndërsa degët më pak të preferuara janë Fizika ku këtë vit janë regjistruar 10 studentë, Kimia me 12 studentë de dhe në Matematikë 25 studentë.
“Në raundin e dytë janë regjistruar rreth 4000 maturantë nga 6000 që aplikuan, që do të thotë se 2000 maturantë që nuk u regjistruan kanë mundësi të riaplikojnë për raundin e tretë plus këtyre do t’i shtohen 1300 maturantë nga vitet e kaluara që kanë aplikuar me formularin A1Z.
Degët e mjekësisë, mjekësi e përgjithshme, stomatologji, infermieri dhe inxhinieritë patën një ecuri shumë të mirë, veçanërisht teknologjia e informacionit, por dhe degë që lidhen me ndërtimin”, u shpreh drejtori i Rrjetit Akademik Shqiptar, Arjan Xhelaj.
