Ngjarja e rëndë që ndodhi ditën e djeshme në Bronx, New York i ka lënë të gjithë të shokuar dhe pa përgjigje.
Florind Belliu, 35 vjeç, dhe bashkëshortja e tij Ornela Shehi, 28 vjeçe, u gjetën në oborrin e pasmë të rrugës Cruger Ave., 2199, rreth orës 9:15 të mëngjesit të së shtunës, thanë burimet policore.
Pamja është kapur nga kamerat dhe aty shihet Shehi teksa bie nga nga kati i gjashtë i ndërtesës dhe përplaset në rrugicë, e ndjekur nga Belliu disa sekonda më vonë. Policët thanë se rrethanat e vdekjes ishin të paqarta. Nuk dihet nëse Belliu, i cili dyshohet se cuante nga probleme të shëndetit mendor ka shtyrë partneren apo janë hedhur të dy.
Belliu ishte i diplomuar në Universitetin e Arteve në Tiranë, Shqipëri dhe interpretoi në TV dhe në teatër përpara se të transferohej në SHBA. Që dy vjet më parë, ai po punonte për dy libra dhe një skenar filmi që ai shpresonte ta paraqiste në Netflix.
Burime policore thanë se ai mund të ketë punuar si shofer për të përballuar jetesën. Burimet thanë se policët nuk kishin marrë kurrë raportime për dhunë në familje në lidhje me çiftin, i cili u vendos në ndërtesë me dy fëmijët e tyre të vegjël rreth katër muaj më parë.
Tragjedia e dyfishtë la të dashurit që mbërritën në vendngjarje të shtunën të përqafuar dhe duke qarë në trotuar. Fqinjët thanë se dyshja ishin një çift i qetë dhe shpesh shiheshin duke shëtitur – por gjithashtu që Belliu ishte parë dukshëm i zemëruar të premten.
