Luftën e Rusisë në Ukrainë e sheh me rrezik edhe për destabilizimin e Ballkanit Perëndimor ish-komandanti i FSK-së Kadri Kastrati.
“Lufta në Ukrainë mund të rrezikojë edhe Ballkanin Perëndimor në përgjithësi e në veçanti Kosovën në veri për arsye se ne fare mirë e dimë që Serbia gjithmonë ka pretendime territoriale ndaj Kosovës”, tha ai.
Sipas tij kapacitetet ushtarake akoma nuk janë të zhvilluara siç janë të parapara me ligj.
Ish-kryeministri i Kosovës Ramush Haradinaj ka kërkuar nga qeveria të sjell në Kuvend projektligjin për Fondin për Donacione për FSK-në, të rishikojë vendimin tuaj për projektin e gazsjellësit amerikan si dhe të heqë dorë nga dialogu i teknikëve dhe të përcaktohet në procesin e marrëveshjes finale për njohje reciproke në kufijtë ekzistues.
