Pothuajse 25% e njerëzve përjetojnë një krizë të moshës së mesme që shkaktohet nga plakja, nga mungesa e arritjeve në jetë dhe nga problemet ose pendimet për gjërat nga e kaluara. Njerëzit ose duhet ta pranojnë atë dhe të vazhdojnë jetën, ose duhet të ndërmarrin disa hapa për t’i bërë pritshmëritë e tyre të përputhen me realitetin. Të shohësh parterin tënd të përballet me një problem të tillë mund të jetë diçka që ta thyen zemrën. Kjo është arsyeja pse ne kemi studiuar shenjat e kësaj krize dhe si të veproni, kështu që ju do të dini se çfarë të bëni për të ndihmuar të dashurin tuaj.
Rënia e lumturisë dhe kënaqësisë nga jeta
Ndërsa njerëzit e fillojnë jetën e tyre plot eksitim dhe energji, në moshën e mesme, shumë prej tyre raportojnë se kënaqësia nga jeta është në pikën më të ulët në jetën e tyre. Lajmi i mirë është se pas krizës, gëzimi dhe kënaqësia për jetën rriten sërish.
Ndryshimi në sjellje
Për të gjitha krizat mendore, është tipike të shohësh ndryshime në zakonet e dikujt. Personi mund të ndryshojë rutinën e gjumit, të fillojë të kujdeset më pak për higjienën ose thjesht të hajë ndryshe. Ndonjëherë këto ndryshime janë më të papritura dhe të dukshme, për shembull, ekziston një stereotip që meshkujt, gjatë kësaj periudhe, fillojnë të blejnë sende luksi, si makina të shtrenjta.
Ndjenjat e boshllëkut
Një shenjë tjetër që bashkëshorti juaj po kalon një fazë të vështirë është fakti që mund të mendojnë se jetës së tyre i mungon njëfarë eksitimi dhe kuptimi. Duke menduar për plakjen e pashmangshme me të cilën po përballen, mund të duket si shansi i fundit për të bërë diçka të lezetshme dhe të çmendur, për ta bërë jetën të paharrueshme. Për disa, mund të çojë në veprime të nxituara dhe të dëmshme, për të tjerët, është një shans për të përmbushur një ëndërr të përjetshme.
Vënia në pikëpyetje e besimeve të vjetra
Si burrat ashtu edhe gratë janë të prirur të rivlerësojnë zgjedhjet e jetës së tyre. Një person që dukej se ishte i martuar dhe i lumtur mund të paraqesë një kërkesë për divorc. Ose, dikush që e ka shijuar jetën në një zonë rurale mund të dëshirojë të shpërngulet në një qytet të madh. Nëse i dashuri juaj fillon t’i ndryshojë vlerat e jetës, jini të durueshëm. Mund të jetë vetëm një fazë, ose me ndihmën e kësaj krize, ata do ta kuptojnë veten më mirë.
Ndjenja të forta të nostalgjisë
Ata mund të bëhen nostalgjikë për të kaluarën. Nga lodrat e lezetshme që keni pasur në adoleshencë në kohët kur kishte më shumë liri dhe më pak përgjegjësi.
Krahasimi i vazhdueshëm i tyre me të tjerët
Njerëzit mund të fillojnë të krahasojnë jetën e tyre me jetën e njerëzve të tjerë dhe, zakonisht, rezultati duket se nuk është në favorin e tyre. Papritmas duket se të gjithë rreth tyre janë më të lumtur, më të pasur, kanë një karrierë më të mirë, etj. Nëse keni vënë re se i dashuri juaj ka filluar të numërojë herët në të cilat ka mbetur prapa garës, është koha t’i kujtoni për të gjitha arritjet që kanë arritur në jetën e tyre.
Çfarë mund të bëni për të ndihmuar partnerin
Kjo krizë është ndryshe nga depresioni. Përmirësohet me kalimin e kohës, prandaj jini të durueshëm me të dashurin tuaj. Disa gjëra që mund të bëni për t’i lejuar ata t’i nënshtrohen këtij tranzicioni të moshës së mesme:
Ta dëgjosh pa e gjykuar dhe të përpiqesh të bësh një bisedë të shëndetshme.
Jepini kohë dhe hapësirë për të sistemuar ndjenjat e tyre.
Ndiqni interesat tuaja. Kur partneri kalon një krizë, mund të jetë dëshpërues, kështu që është koha e përsosur për t’u fokusuar më shumë tek vetja.
Të shkoni tek një terapist me bashkëshortin që po përjeton një krizë të moshës së mesme mund të jetë shumë e dobishme.
