Një aksident ka ndodhur mesditën e sotme në Librazhd. Një furgon me pasagjerë ka humbur kontrollin e drejtimit të lëvizjes dhe është përplasur me barrierat mbrojtëse të rrugës.
Ngjarja ka ndodhur në vendin e quajtur “Kthesa e Murrashit”, në Librazhd, ndërsa fatmirësisht nuk raportohet për të lënduar.
Aksidenti ka ndodhur në afërsi të vendit ku pak ditë më parë ndodhi aksidenti tragjik me 3 viktima dhe 3 të plagosur, pasi automjeti ku ata ndodheshin doli nga rruga dhe përfundoi në rrjedhën e lumit Shkumbin.
