Pavarësisht masave, Covid-19 vijon të infektojë fshatin Olimpik të Lojërave Dimërore. Sipas asaj që raportojnë organizatorët e turneut të Pekinit, mbi 129 persona kanë rezultuar pozitiv duke vënë seriozisht në rrezik turneun që pritet të nisë të premten e ardhshme. Sipas të dhënave, personat mbartës të virusit janë konfirmuar gjatë tre javëve të fundit.
Më tepër se 20 të infektuar u konstatuan në testet e shpejta që realizohen në aeroportin e Pekinit. Në turneun që do të mbahet nga data 4 deri më 20 Shkurt, pritet të mbërrijnë afërsisht 2.900 atletë nga rreth 90 Komitete Olimpike Kombëtare, mes të cilave edhe Shqipëria.
Ata do të konkurrojnë në rreth 109 gara. Numri i tifozëve do të jetë natyrisht i kufizuar, gjithsesi nga pritet që këto Lojëra Olimpike Dimërore të shihen nga rreth 300 milionë tifozë.
