Maska juaj e fytyrës prej pëlhure, atë që e ke qepur dhe e lan e than dhe e vendos sërish, nuk po të mbron më ndaj Covid, më saktësisht nga variant Omicron.
Sado të zakonshme që janë bërë maskat për fytyrën prej pëlhure, ato pak të mbrojnë për të parandaluar futjen e grimcave të vogla të virusit në hundë ose gojë dhe nuk janë efektive kundër variantit të ri, thonë ekspertët e shëndetit.
Ekspertët shëndetësorë po i bëjnë thirrje publikut që të zgjedhë maskat kirurgjikale me tre shtresa, maskat KN95 ose maskat N95, të cilat ofrojnë më shumë mbrojtje kundër variantit shumë ngjitës.
Omicron përhapet më shpejt se variantet e tjera të njohura të koronavirusit dhe është jashtëzakonisht i transmetueshëm – edhe përmes maskave të fytyrës prej pëlhure të trashë. Disa vende, si Gjermania dhe Austria, kërkojnë vetëm vendosjen e maskave kirurgjikale në publik.
Cila maskë për fytyrën është më efektive kundër COVID-19?
Maskat N95 ishin më efektive në bllokimin e pikave të frymëmarrjes deri në 99% për të qenë të saktë. E dyta më e mira? Maska kirurgjikale.
Leana Wen, një mjeke e urgjencës dhe profesore e politikave dhe menaxhimit shëndetësor në Shkollën e Shëndetit Publik të Institutit Milken, tha se maskat kirurgjikale janë një opsion i shkëlqyer dhe më i përballueshëm.
“Duhet të mbajmë të paktën një maskë kirurgjikale me tre shtresa. Ju mund të vini një maskë pëlhure mbi të, por mos mbani vetëm një maskë pëlhure”.
