Të jesh vazhdimisht i lodhur dhe gjithmonë i përgjumur mund të jetë një thirrje për të mos u nënvlerësuar: ja çfarë mund të fshihet pas saj.
Jeta e përditshme mund të ngarkojë sistemin tuaj nervor me punën, familjen, detyrat dhe gjërat e ndryshme që duhen marrë. Të ndjehesh i lodhur është më se e kuptueshme, në ditët e sotme të mbushura plot tension, por kujdes: kur lodhja bëhet kronike , duke sjellë me vete atë ndjenjën e çuditshme të të qenit gjithmonë të përgjumur , edhe në mes të ditës dhe në “kohë të papërshtatshme” është për tu shqetësuar.
Ky fenomen nuk duhet nënvlerësuar, sepse ndikon shumë në cilësinë e jetës. Në fakt, zvogëlon rezultatet e shkollës dhe punës, mund të çojë në probleme me përqendrimin, kujtesën dhe luhatjet e humorit.
Të flesh shumë nuk është njësoj si të flesh mirë: dhe cilësia e gjumit ka një ndikim të rëndësishëm në disa raste. Prandaj, rekomandohet të bëni gjithçka që mund të lehtësojë pushimin: praktikoni sporte të lehta pa ekzagjeruar, relaksohuni me një libër, një çaj bimor dhe nëse mjeku e sheh të arsyeshme, përdorni barishte natyrale si sanëz apo pilula gjumi.
Pra, cilat janë shkaqet e tjera të këtij çrregullimi?
1. Furnizimi me energji
Mungesa e vitaminës D dhe vitaminës B12 jep ndjesinë e të qenit gjithmonë të përgjumur. Për t’u rikuperuar, është mirë të dini se vitamina D stimulohet nga jashtë, ndaj rekomandohen shumë shëtitjet e gjata në natyrë. Sasia e vitaminës B12, nga ana tjetër, mund të rritet me suplemente të përshkruara nga mjeku. Për tu kufizuar janë ushqimet e pasura me yndyrë, në avantazh të proteinave, fibrave dhe karbohidrateve. Është shumë e rëndësishme të pini shumë ujë , sepse kur zemra nuk është e hidratuar mjaftueshëm, ajo lufton për të kryer funksionet e saj jetësore në mënyrën më të mirë të saj.
2. Teknologjia dixhitale
Të qenit gjithmonë i përgjumur mund të varet gjithashtu nga një abuzim, në momente të gabuara, të teknologjisë dixhitale . Jemi mësuar të jetojmë vazhdimisht ditët tona me smartfonin në dorë dhe përdorim pajisje të ndryshme, nga PC-të e deri tek tabletët. Të kesh këto ekrane vazhdimisht para syve është e dëmshme: shkëlqimi i tyre, si dhe stimulimi i funksioneve të trurit, aktivizon shqisat dhe kufizon (ose parandalon) rënien në gjumë. Këshillohet që të fikni të gjitha pajisjet të paktën një orë para se të shkoni në shtrat.
3. Probleme me shikimin
Problemet e shikimit si miopia, nëse nuk trajtohen mund të shkaktojnë një ndjenjë gjumi të vazhdueshme. Kur sytë nuk arrijnë të fokusohen siç duhet, tendosja vazhdon gjatë gjithë ditës, duke çuar në shqetësime të gjumit të shoqëruara me dhimbje koke dhe ndjenja konfuzioni.
4. Patologjitë
Disa patologji specifike kanë, ndër simptomat kryesore, prirjen për të qenë gjithmonë të përgjumur. Për këtë, fenomeni nuk duhet nënvlerësuar. Në fakt, mund të jetë një tregues i hipotiroidizmit, diabetit ose sëmundjes celiac, të gjitha sëmundjet që duhet të monitorohen me kujdes nga një mjek.
5. Marrja e medikamenteve
Fletëpalosja e ilaçit ndonjëherë përmend problemet e gjumit si një nga efektet anësore të mundshme të marrjes së gabuar ose dozës së gabuar. Kjo, në fakt, mund të ndërhyjë në ritmet e jetës aë dikujt, duke ndikuar negativisht edhe në ciklin e gjumit. Ilaçet me këtë kundër indikacion përfshijnë ato me efekt qetësues (hipnotikë, barbiturate).
