Ori Nebijaj është një nga moderatoret më të pëlqyera të ekranit shqiptar, gjithashtu dhe një nga figurat e reja më të rëndësishme të Partisë Demokratike.
Këtë vit Ori kandidoi në zgjedhjet e 25 prillit dhe ishte e 18-ta në listën e kandidatëve për deputetë në Tiranë.
Mirëpo, pavarësisht se mori rreth 5,600 vota, ajo nuk u zgjodh deputete përmes thyerjes së herësit dhe demokratët nxorën 15 deputetë nga kryeqyteti.
Në intervistat e dhëna Ori asnjëherë nuk ka nguruar për të folur mbi për figurat që simpatizon nga partia ku është angazhuar prej vitesh, por cilat janë figurat e saj të preferuara nga “kampi tjetër”?
Së fundmi ajo është pyetur për emrat e dy deputetëve të majtë për të cilët ka më shumë simpati.
“E kam thënë edhe njëherë tjetër që kam pasur simpati për Arta Daden, si zonjë dhe më pëlqente shumë portreti i saj. Po them edhe Mimi Kodheli meqë e kam pasur në studion e Wake Up dhe kam qenë komode në komunikim”, u shpreh Ori në “E diell”.
