Nga mbledhja e Komitetit të Ekspertëve sot, gazetarët pyetën për rastet e blerjeve të pasaportave të vaksinimit të falsifikuara apo dokumenteve për teste kundrejt pagesës. Drejtoresha e ISHP-së Albana Fico e konsideroi fenomenin criminal, por theksoi se nuk është ISHP institucioni që mrret me ndjekjen e këtyre rasteve: Sigurisht nëse na kërkohet do të bashkëpunojmë me autoritetet, thotë ajo.
Albana Fico:
Besoj që ISHP nuk ka në detyrat e veta funksionale ndjekjen e rasteve, do thosha kriminale të mos kryerjes së vaksinës e marrjes së një dokumenti. Distancohemi dhe kjo është shumë e rëndësishme, jo vetëm ISHP por gjithë ekspertët e shëndetësisë, edhe ata që mbaruan fakultetin e Mjekësisë dhe gjithë të tjerët.
Dy janë dëmet: Ndikojnë direkt në shëndetin e popullatës dhe ligji i sëmundjeve infektive e ka të përcaktuar çfarë ndodh dhe masat që duhet të merren. Pavarësisht çmimit 100 apo 200 euro ne nuk kemi asnjë mënyrë për ta ndjekur këtë gjë, por iu ktheva përgjigje për gjithë shqetësimet që ngritët, është kriminale dhe ne distancohemi. Nëse autoritetet do na kërkojnë mbështetje për gjurmimin e këtyre rasteve ne do jemi aty për të bashkëpunuar pa asnjë hezitim.
