Institucioni më i lartë i futbollit europian ka vendosur ditën e sotme që të mos lejojë udhëtimin e tifozëve të kombëtareve në stadiumet jashtë vendit, për ndeshjet që do të zhvillohen në shtator, në kuadër të kualifikueseve të Botërorit.
Vendimi është marrë për shkak të frikës se lëvizja masive e tifozëve mund të shtojë numrin e infektimeve me variantin “delta” të koronavirusit dhe është gjykuar që për sigurinë sanitare në Europë, udhëtimi masiv i njerëzve duhet të shmanget.
Ndërkohë, përsa i përket tifozëve vendas, i takon çdo qeverie që të bëjë politikat e saj në lidhje me cilat grupe do të lejojnë, të vaksinuar ose jo, me teste ose jo dhe në çfarë kapacitete do të mbushen stadiumet.
