Vaksinat kanë treguar se zvogëlojnë rrezikun e të sëmurit rëndë nga Covid-19, duke eliminuar mundësinë e shtrimit në spital ose vdekjen. Por çfarë tregojnë provat shkencore për efektivitetin e tyre në zvogëlimin e transmetimit të virusit?
Sipas studiuesve është rrezik i ulët që njerëzit e vaksinuar të transmetojnë virusin. Megjithëse studimet mbi kafshët kanë konfirmuar që imunizimi me vaksina gjithashtu zvogëlon rrezikun e transmetimit, efikasiteti te njerëzit është krijuar kohët e fundit. Në prill, Shëndeti Publik në Angli njoftoi rezultatet e një studimi me mbi 365,000 familje me anëtarë të vaksinuar dhe të pavaksinuar. Sipas gjetjeve, vaksinat Oxford / Astra Zeneca dhe Pfizer / BioNTech ulën shanset e transmetimit të koronavirusit me 40-60%.
Një studim tjetër nga pioneri izraelit i vaksinimit zbuloi se në 5,000 raste me koronavirus në popullatën e vaksinuar, ngarkesa virale në tamponin e hundës ishte dukshëm më e ulët se ajo e njerëzve të pavaksinuar të diagnostikuar me virus. Kujtohet se përqendrimi i virusit në zgavrën e hundës është proporcional me rrezikun e transmetimit.
