Varianti Delta i koronavirusit, që po përhapet me një ritëm të shpejtë global, është një shenjë që gara midis vaksinimit dhe virusit mund të kalojë në favor të këtij të fundit nëse vendet nuk zhvillojnë fushatat e tyre të imunizimit dhe nuk tregojnë kujdes.
Varianti, i zbuluar për herë të parë në Indi, është identifikuar në të paktën 92 vende dhe konsiderohet si varianti “më i përshtatshëm” i virusit për t’u përhapur shpejt.
Rreziku më i madh paraqitet veçanërisht në vendet me vaksinim të ulët.
Kërkimet e kryera në Mbretërinë e Bashkuar, ku varianti përbën 99% të rasteve të reja të Covid, sugjerojnë se është rreth 60% më e transmetueshëm se varianti Alpha, i cili mbizotëronte më parë.
Mund të jetë gjithashtu i lidhur me një rrezik më të madh të shtrimit në spital dhe është disi më rezistent ndaj vaksinave, veçanërisht pas një doze, thonë ekspertët.
Është e qartë se varianti Delta është më i transmetueshëm, por shkencëtarët nuk e kanë vërtetuar ende arsyen, raporton The Guardian.
Sipas shkencëtarëve, është e mundur që një person të infektohet vetëm për disa sekonda nëse ka kontakt me një të infektuar.
