Senati holandez ka miratuar një ligj të ri që ndalon blerjen dhe përdorimin e fishekzjarrëve për qytetarët, duke argumentuar se ato përbëjnë rrezik për njerëzit, kafshët, mjedisin dhe shkaktojnë ndotje akustike. Ndalimi pritet të hyjë në fuqi më 1 janar 2026.
Megjithatë, ka dyshime nëse ligji do të zbatohet menjëherë, pasi koha është e kufizuar. Për t’u bërë zyrtar, nënsekretari i shtetit Thierry Aartsen duhet të përgatisë një Rregullore të Përgjithshme Administrative, e cila do të përcaktojë mënyrën e zbatimit të ndalimit në gjithë vendin.
