Me ardhjen e vjeshtës, bota e artit dhe kulturës po bëhet gati për një shpërthim kreativiteti, me shumë filma, libra dhe projekte muzikore që premtojnë të shënojnë sezonin. Nga filma të nominuar për Oscar deri te rikthimet e superyjeve të muzikës, ja një guidë mbi gjërat që duhen ndjekur këtë vjeshtë.
Në ekranin e madh, kinema dhe filma prestigjiozë
Sezoni i çmimeve sapo ka filluar, dhe me të vijnë filma që priten të bëjnë bujë në ceremoninë e Oscar 2026. Disa nga titujt më të spikatur janë:
After the Hunt (tetor), me fituesen e çmimit Oscar Julia Roberts, në rolin e një profesoreshe filozofie.
Nuremberg (nëntor), një dramë historike me Russell Crowe dhe Rami Malek.
A House of Dynamite (tetor), një thriller nga regjisorja me famë botërore Kathryn Bigelow.
Hamnet (dhjetor), me Paul Mescal dhe Jessie Buckley, që flet për tragjedinë familjare të Shekspirit.
Nëse jeni adhurues të filmave fantastiko-shkencorë dhe fantazi, duhet të shihni:
For Good (nëntor), pjesa e dytë e muzikalit të famshëm.
Fire and Ice (dhjetor), vazhdimi i tretë i epikës së James Cameron.
The Running Man (nëntor), një version i ri i romanit të Stephen King.
Serialet televizive, krim, dramë dhe fantazi
Edhe televizioni po bëhet gati për një vjeshtë plot surpriza.
House of Guinness (shtator), një serial epik i Steven Knight (krijuesi i Peaky Blinders) për dinastinë e famshme të birrës, i cili premton dramë, dhunë dhe sekrete të errëta.
The Diplomat (tetor), rikthehet për sezonin e tretë ky thriller politik i njohur.
Pluribus (nëntor), projekti i ri i krijuesit të Breaking Bad, Vince Gilligan.
Stranger Things (nëntor), katër episodet e para të sezonit final do të transmetohen në nëntor, duke u mbyllur me një fund të madh në Krishtlindje dhe Vitin e Ri.
All Her Fault (nëntor), një thriller familjar me protagoniste Sarah Snook nga seriali i suksesshëm Succession.
Libra, nga legjendat te talentet e reja
Bota letrare është e mbushur me botime të reja nga autorë me emër dhe yje në ngritje:
Ian McEwan (shtator) me romanin e tij spekulativ, What Can We Know.
Salman Rushdie (nëntor) rikthehet me një përmbledhje të re me tregime të shkurtra.
Philip Pullman (tetor) boton kapitullin e fundit të trilogjisë së tij Book of Dust.
Patti Smith (nëntor) me autobiografinë e saj të re, Bread of Angels.
Margaret Atwood (nëntor) me kujtimet e saj, Book of Lives.
Muzikë, rikthime të bujshme dhe albume të reja
Përgatituni për një vjeshtë të mbushur me ritme të reja:
Cardi B (shtator) me albumin e saj të dytë, Am I The Drama?.
Doja Cat (shtator) me albumin e saj të pestë, Vie.
Florence and the Machine (tetor) do të publikojnë një album të ri, që pritet të jetë i errët dhe dramatik, dhe do të dalë për Halloween.
Taylor Swift (tetor) pritet të nxjerrë albumin e saj të dymbëdhjetë, The Life of a Showgirl, ende i mbuluar me mister.
Robert Plant (shtator), Mavis Staples (nëntor) dhe Jeff Tweedy (shtator) do të sjellin albume të reja për adhuruesit e rokut, folk-ut dhe soul-it.
