Shqipëria do të jetë aksionare në resortin turistik që Jared Kushner do të ndërtojë në ishullin e Sazanit.
Për këtë është krijuar kompania “Albanian State Development & Real Estate”, që do të përfaqësojë shtetin në projekt. Kompania është regjistruar me kapital 50 milionë lekë dhe do të merret me menaxhimin dhe zhvillimin e pasurive shtetërore.
Resorti pritet të ketë një investim prej 1.4 miliardë eurosh, ku do të ndërtohen marina turistike, hotele dhe rezidenca në 45 hektarë të ishullit.
Ky projekt synon ta kthejë Sazanin në një destinacion turistik elitar dhe të hapë vende të reja pune në vend.
