Sipas disa studimeve, mënyra se si shkruajmë me dorë mund të zbulojë aspekte të thella të personalitetit tonë. Një detaj interesant është mënyra se si formojmë shkronjën “X”. Vijat që vizatojmë për ta krijuar atë mund të tregojnë mënyrën tonë të të menduarit dhe tipare të natyrës sonë. Pse të mos e provosh këtë test të thjeshtë? Merr një letër dhe një stilolaps, shkruaj “X” dhe zbulo se çfarë thotë për ty!
Ky test bazohet në një studim të grafologes Kathi McKnight, e cila i ndau zbulimet e saj në një intervistë për Oprah Magazine.
Metoda 1
Nëse fillon të shkruash “X”-in nga poshtë djathtas, kjo tregon se, megjithëse dëshiron të ecësh përpara, je ende i lidhur me të kaluarën. E ke të vështirë të heqësh dorë nga zakonet apo kujtimet e vjetra që ende të ndikojnë në të tashmen.
Metoda 2
Nëse e shkruan “X”-in duke filluar një vijë nga poshtë majtas dhe tjetrën nga poshtë djathtas, kjo tregon një shpirt rebel. Dëshiron të shkëputesh nga e kaluara, por ende ndikon tek ty në një mënyrë apo tjetër.
Metoda 3
Nëse fillon nga lart djathtas, kjo tregon një rebelim instinktiv, pa një arsye të qartë. Shkel rregullat jo për ndonjë qëllim të caktuar, por si prirje natyrale.
Metoda 4
Nëse vetëm vija e dytë e “X”-it është nga lart djathtas në fund majtas, kjo tregon një personalitet kompleks. Edhe pse përpiqesh të ecësh përpara, një pjesë e jotja ende qëndron e lidhur me të kaluarën.
Metoda 5
Nëse e nis “X”-in nga lart djathtas në fund majtas dhe vijën e dytë nga poshtë majtas në lart djathtas, tregon një shpirt jokonformist. Je i pavarur në mendim dhe ndjek rrugën tënde.
Metoda 6
Nëse fillon nga poshtë majtas, kjo tregon shpirt artistik. Je origjinal, krijues dhe s’ke frikë të dalësh nga norma.
Metoda 7
Nëse e shkruan “X”-in duke filluar nga e majta në të djathtë (siç mësohet në shkollë), kjo tregon një personalitet që i përmbahet rregullave dhe normave.
