Shumë prindër janë shumë kuriozë të dinë që herët në shtatzëni nëse bebi është djalë apo vajzë. Edhe pse ekzistojnë metoda të ndryshme që synojnë të japin përgjigje të besueshme, njëra prej tyre është metoda Ramzi, e cila pretendon saktësi deri në 97%.
Çfarë është metoda Ramzi?
Metoda Ramzi u krijua nga Doktori Saad Ramzi Ismail dhe u publikua për herë të parë në 2011, me një përditësim në tetor të vitit 2020 në revistën online Contemporary OB-GYN. Ajo bazohet në idenë se pozicioni i placentës mund të tregojë gjininë e foshnjes.
Si funksionon?
Sipas kësaj metode, fetusi mund të identifikohet si mashkull ose femër që në javën e 6-të të shtatzënisë, pa pritur EKO- morfologjike ose testet gjenetike më të avancuara. Sipas Ramzi-t:
Nëse placenta (ose trofoblasti) zhvillohet në anën të majtë të mitrës, fetusi është femër.
Nëse zhvillohet në anën e djathtë, fetusi është mashkull.
Pse kjo metodë është e debatueshme?
Ekzistojnë disa mangësi serioze:
Nuk kishte peer-review – studimi i Ramzi-t nuk është verifikuar nga asnjë ekspert i pavarur kombëtar, e cila është një praktikë standarde në shkencë.
Revista nuk është shkencore zyrtare, pra nuk është një revistë akademike me impakt.
Pa baza biologjike të forta dhe nuk ka shpjegime pse pozicioni i placentës duhet të lidhet me gjininë; nuk ka mekanizëm biologjik që e argumenton këtë nga ana e Dr. Ramzi-t.
Studimi i tij përfshinte 5,376 shtatzënë. Nga këto, 97.2% e fëmijëve me placenta në të djathtë ishin mashkuj dhe 97.5% e fetuseve me placenta në të majtë ishin femra.
Por edhe rezultatet 97% janë të ngjashme me probabilitetin bazë 50%, duke ngritur dyshime për domethënien statistikore të pretendimit të Ramzi-t.
Studime të tjera që sfidojnë Ramzi-n
Një studim i vitit 2010 në Ultrasound in Obstetrics & Gynecology me 277 shtatzëni zbuloi se pozicioni i placentës ndryshonte pa lidhje të qëndrueshme me gjininë:
28% e rasteve kishin placenta në mes (midline).
89 raste me placenta në të djathtë: vetëm 51% u konfirmuan meshkuj.
110 raste me placenta në të majtë: vetëm 57% u konfirmuan femra.
Metodat e provuara dhe të besueshme
Në vend që të mbështetemi te metoda Ramzi, ekzistojnë metoda me bazë shkencore dhe përdorim klinik:
Ultrazëri morfologjik – zhvillohet midis javës 18–22 të shtatzënisë, me saktësi afër 100% për identifikimin e gjinisë.
NIPT Testi (Testi prenatal jo-invaziv) – analizon ADN-në fetale nga gjaku i nënës, me saktësi rreth 99%.
Amniocenteza dhe villocenteza – testime invazive për analizë karyotipike me saktësi >99%, por përfshijnë disa rreziqe ndaj shtatzënisë.
