Rreth 27 mijë maturantë në të gjithë vendin do t’i nënshtrohen sot provimit të parë të Maturës Shtetërore, që është ai i Gjuhës së Huaj.
Nxënësit duhet të jenë të pranishëm në ambientet e shkollës në orën 08:30, ndërsa testimi do të zhvillohet nga ora 10:00 deri në 12:30. Largimi nga klasa nuk lejohet përpara përfundimit zyrtar të provimit.
Çfarë duhet të keni me vete:
Kartë identiteti ose pasaportë
Dy stilolapsa me bojë të njëjtë
Vizore e vogël dhe një makinë llogaritëse e thjeshtë (jo smart)
Uniformën e shkollës (nëse mungon, veshje e thjeshtë: bluzë + xhinse)
Një shishe me ujë
Kujdes! Sigurohuni të ushqeheni mirë në mëngjes dhe të jeni të përgatitur emocionalisht e mendërisht për testin.
Çfarë ndalohet rreptësisht të keni me vete:
Telefona celularë
Ora smart apo çdo pajisje elektronike e komunikimit
Gjatë provimit:
Përdorni vetëm një ngjyrë stilolapsi
Firmosni si në marrjen, ashtu edhe në dorëzimin e testit
Kontrolloni me kujdes testin për ndonjë paqartësi
Mbani qëndrim të qetë dhe respektoni rregullat deri në përfundim.
