7 prilli njihet si dita botërore e shëndetit.
Por, si e gjeti vendin tonë një ditë e tillë? Dita-ditës mediat raportojnë për skandale të njëpasnjëshme që lidhen me pasigurinë e konsumatorit dhe ushqimet e pagarantuara para se të përfundojnë në tryezat e shqiptarëve.
Konkretisht:
1. Pula me salmonelë. AKU zbuloi salmonelë në mishin e pulës e ardhur nga Brazili, por nga 1535 kg i prekur u gjetën vetëm 177 kg për t’u asgjësuar.
2. Skandali i akulloreve. 13.2 ton produkte të kontaminuara me oksid etileni, një substancë kancerogjene u hodh në tregun shqiptar.
3. Mielli Diamond, ku minjtë u filmuan mbi thasët e magazinuara.
4 Mandarinat me pesticide. Disa ton mandarina me pesticide të cilat edhe pse Kroacia i kthehu mbrapsht, u kthyen dhe u shitën në tregun shqiptar.
5. Luleshtrydhe me pesticide. Një ngarkesë luleshtrydhesh nga Greqia e importuar nga Geri shpk u gjet me pesticidin Hexythiazox, substancë e rrezikshme për shendëtin e njeriut.
6. Specat me pesticide. Pas luleshtrydheve, një tjetër ngarkesë me speca që ishte nisur drejt Kroacisë më 12 Mars është refuzuar në kufi.
7. Nga sistemi i alarmeve të shpejta të BE-së (RASFF) ka rezultuar se prodhimet kishin përmbajtje shumë të lartë pesticidesh, të klasifikuara me rrezik të lartë për konsumatorin. Për RAFSS, njoftimi i dhënë në kufi ka qenë: ‘Serioze’,
8. Në këtë ngarkesë u gjet prania e tepërt e “flonicamidi”, një insekticid që përdoret kundër dëmtuesve hemipterous, si afidet dhe mizat e bardha, dhe dëmtuesit tizanopterë. Pesticidi ka një toksicitet të moderuar tek gjitarët (në këtë kategori futen njerëzit) dhe mund të jetë helmues për mëlçitë dhe veshkat.
9. Vezët me gripin e shpendëve. Prej disa javësh në Shqipëri raportohet se rreth 1 milion pula kanë ngordhur ndërsa më 19 mars u konfirmua edhe prania e gripit të shpendëve. Prej asaj kohe frika për konsumin e pulave dhe vezëve është rritur bashkë me përhapjen e gripit të shpendëve.
Ndërkohë, pas kësaj serie me skandale po sot është shkarkuar nga detyra drejtori i Autoritetit Kombëtar Ushqimor në Tiranë, Fatjon Pasholli.
Megjithatë, edhe pse në tregjet tona po shitet helm, askush nuk mban përgjegjësi.
