Ylli portugez nuk udhëtoi me Al Nasr për ndeshjen e Ligës së Kampioneve të Azisë në Iran, pasi mund të ndëshkohej me 100 goditje me kamxhik. Kjo situatë ka filluar që nga nëntori i 2023, kur Ronaldo ishte në Iran për një tjetër ndeshje të këtij turneu.
Atëherë, Ronaldo bëri foto me një fanse të njohur në Iran, e cila është artiste me aftësi të kufizuara, dhe e puthi në ballë. Ky veprim është konsideruar tradhti bashkëshortore në Iran dhe dënohet me 100 goditje me kamxhik.
Edhe pse klubi i Esteghlalit u ofroi garanci, Al Nasr nuk i besoi autoriteteve iraniane dhe vendosi të mbrojë Ronaldon nga ky rrezik. Zyrtarisht, klubi tha se Ronaldo nuk udhëtoi për shkak të një dëmtimi.
