Presidentja e Komisionit Europian, Ursula von der Leyen, ka deklaruar se Ukraina mund t’i bashkohet Bashkimit Europian përpara vitit 2030, me kusht që të vazhdojë reformat me ritmin aktual.
Gjatë një konference për shtyp, von der Leyen theksoi se procesi i pranimit të Ukrainës në BE bazohet në meritokraci dhe duhet të jetë i dobishëm si për vendin kandidat ashtu edhe për bllokun europian.
“Ukraina po ecën mirë dhe mund të pranohet më herët se 2030 nëse vendi vazhdon me këtë shpejtësi dhe këtë cilësi,” u shpreh ajo.
Në lidhje me mundësinë e heqjes së sanksioneve kundër Rusisë në rast të një marrëveshjeje paqeje, von der Leyen theksoi se ato do të mbeten në fuqi derisa Moska të tregojë gatishmëri për të krijuar një paqe të qëndrueshme në Ukrainë.
