Komisioni Qendror i Zgjedhjeve (KQZ) ka përfunduar numërimin dhe procesimin e 100% të votave në zgjedhjet parlamentare të 9 shkurtit në Kosovë. Sipas rezultateve përfundimtare për subjektet politike, Lëvizja Vetëvendosje (LVV) ka dalë forcë e parë me 40.80% të votave, duke siguruar një fitore të thellë.
Në vendin e dytë renditet Partia Demokratike e Kosovës (PDK) me 22.03%, ndërsa e treta Lidhja Demokratike e Kosovës (LDK) me 17.63%. Koalicioni AAK-Nisma ka marrë 7.46% të votave.
Rezultatet e votave të numëruara nga KQZ:
Lëvizja Vetëvendosje – 40.80% (342,281 vota)
Partia Demokratike e Kosovës – 22.03% (184,811 vota)
Lidhja Demokratike e Kosovës – 17.63% (147,888 vota)
Koalicioni AAK-Nisma – 7.46% (62,588 vota)
Ndërhyrje të dyshuara në zgjedhje dhe probleme teknike në KQZ
Gjatë procesit të numërimit janë vërejtur probleme të shumta teknike me faqen zyrtare të KQZ-së, e cila për disa ditë doli jashtë funksionit, publikoi rezultate të pasakta dhe shkaktoi konfuzion tek qytetarët dhe partitë politike.
Ambasadori gjerman në Kosovë, Jorn Rohde, ka deklaruar se Serbia ka ndërhyrë në zgjedhjet në Kosovë për t’i siguruar më shumë vota Listës Serbe. Lidhur me këto dyshime, Prokuroria e Kosovës ka urdhëruar Policinë të kryejë hetime për të parë nëse ka pasur vepra penale.
Mungesa e votave për qeverinë e re dhe lëvizjet politike
Sipas Demokracisë në Veprim, shpërndarja e mandateve pritet të jetë si më poshtë:
Vetëvendosje – 47 deputetë
PDK – 25 deputetë
LDK – 20 deputetë
AAK-Nisma – 8 deputetë
Lëvizja Vetëvendosje, pavarësisht se është partia e parë, nuk e ka shumicën e nevojshme prej 61 deputetësh për të formuar Qeverinë e re. Ndërkohë, partitë opozitare PDK, LDK dhe AAK kanë refuzuar çdo mundësi për të hyrë në koalicion me LVV-në dhe kanë shprehur gatishmërinë për të formuar një qeveri të përbashkët.
Në vijim pritet numërimi i votave me kusht, votave të diasporës dhe atyre të personave me aftësi të kufizuara, të cilat mund të ndikojnë në shpërndarjen përfundimtare të mandateve në Kuvend.
 ka përfunduar numërimin dhe procesimin e 100% të votave në zgjedhjet parlamentare){kind=link}