Mbi 151 mijë shqiptarë që jetojnë jashtë vendit janë regjistruar deri më tani në sistemin e Komisionit Qendror të Zgjedhjeve (KQZ) për të votuar në zgjedhjet parlamentare të 11 majit.
Nga 189.088 qytetarë që kanë aplikuar për regjistrim, janë pranuar 151.797 kërkesa, ndërsa 36.743 janë refuzuar. Sipas të dhënave, shumica e emigrantëve të regjistruar vijnë nga Tirana, e ndjekur nga qarqet Fier, Durrës, Elbasan, Korçë, Vlorë, Berat dhe Shkodër.
Kjo është hera e parë që emigrantët shqiptarë do të kenë mundësinë të votojnë nga jashtë. Afati për aplikimin përfundon më 5 mars.
