Reshjet e dendura të dëborës kanë krijuar situatë problematike në qarkun e Dibrës.
Mësohet se Rruga e Arbrit është bllokuar prej orëve të para të mëngjesit të djeshëm, kurse Qafa e Ulzës është bllokuar prej pasdites.
Si paspjë, kanë mbetur mes dëborës edhe persona të sëmurë, duke e bërë situatën akoma më shqetësuese.
Borëpastrueset nga Peshkopia kanë hasur vështirësi në ndërhyrje për shkak të trashësisë së madhe të dëborës.
Në zonën e Bulqizës trashësia ka arritur në 50 centimetra, ndërsa në disa zona të tjera ka kaluar mbi 1 metër, duke bllokuar totalisht segmentet rrugore.
